Дензел Бентли Әлімханұлына әлеуметтік желіде үн қатты
Британдық боксшы Дензел Бентли Жәнібек Әлімханұлын реваншқа шақырды, деп хабарлайды Prosports.kz.
Ол 2022 жылы өткен алғашқы жекпе-жекте Әлімханұлынан WBO тұжырымы бойынша әлем чемпионы атағы үшін жеңілген болатын. Сол кезде қазақстандық боксшы төрешілердің бірауызды шешімімен жеңіске жеткен еді.
Жеңілістен кейін Бентли бірнеше рет Qazaq style-ға қайта күш сынасуды ұсынды. Бұл жолы ол Жәнібектің әлеуметтік желідегі жазбасына жауап қайтарды. Әлімханұлы Карлос Адамеске үн қатқан кезде, британдық: «Бәрін ұмыта берейік. Сен қайдасың?» – деп реваншқа шақырды.
Айта кетейік, қазір Дензел Бентли орта салмақта Ұлыбритания чемпионы атағына, сондай-ақ WBO International және Еуропалық бокс кеңесінің белбеулеріне ие.
Қазақстандық боксшы Ангелина Лукас құрметке бөленді
Куба құрамасы Ливерпульдегі бокстан әлем чемпионатына қатысатын құрамын жариялады