ФИФА әлем чемпионатының форматын кеңейтіп, ұлттық құрама матчтарын қысқартпақ
Халықаралық футбол федерациясы (ФИФА) клубтар арасындағы әлем чемпионатының форматын өзгертуді қарастырып жатыр. Бұл туралы британдық The Guardian басылымы хабарлады, деп жазады Prosports.kz.
Дереккөздің жазуынша, ФИФА жобасы турнирді қазіргі төрт жылдық циклдің орнына 2029 жылдан бастап екі жыл сайын өткізуге көшуді және қатысушылар санын 32-ден 48 командаға дейін кеңейтуді қамтиды. Бәсекелестік деңгейінің төмендеуіне жол бермеу үшін бір елден екі клубтан артық қабылдау талқылануда.
Халықаралық күнтізбе шамадан тыс жүктелгендіктен, турнир ұзақтығының ұлғаюын УЕФА-дан Ұлттар лигасының күнтізбесін түзетуді талап ететін ұлттық құрамалардың жолдастық матчтары мен маусымдағы турнирлерін тоқтату арқылы өтеу жоспарлануда.
Еске салайық, 2025 жылдың жазында АҚШ-та 32 команда қатысқан клубтар арасындағы әлем чемпионаты жаңа форматта өткен болатын. Жарыстың финалында ағылшындық «Челси» француздық ПСЖ-ны 3:0 есебімен ұтты.