Данил Васильев трамплиннен секіруден әлем кубогы кезеңінде күміс медаль еншіледі
Бүгін Польшаның Висла қаласында өтіп жатқан шаңғымен тұғырдан секіруден жазғы әлем кубогында Ұлттық құрама спортшысы Данил Васильев 2-орын алды, деп хабарлайды Prosports.kz сайты ҚР Туризм және спорт министрлігі Спортты дамыту дирекциясының баспасөз қызметіне сілтеме жасап.
Отандасымыз финалда барлығы 119.3 ұпай жинады. Бұл жаттығуда 129.5 балл алған Аустрия спортшысы Никлас Бахлингер топ жарды. Үздік үштікті Владимир Зогфарски (Болгария) түйіндеді.
Айта кетейік, осы 2-орынның арқасында Данил Васильев 2026 жылғы Милан Олимпиадасының лицензиясына тағы бір табан жақындай түсті. Вислада қол жеткізген ұпайлар оның Халықаралық шаңғышылар федерациясының рейтингіндегі орнын жақсартады.
Еске сала кетейік, осыған дейін жазғы Гран-при/әлем кубогында біздің спортшылар арасында ең жоғарғы көрсеткішті Сергей Такченко тіркеген. Ол 2021 жылы Щучинскегі бәсекеде 6-сатыдан көрінген.
«Бүгін біздің спортшылар үшін бәрі жақсы өтті. Данил Васильев алысқа секіріп қана қоймай, техникалық тұрғыдан да жерге сауатты қонды. Соның арқасында жүлдеге ие болдық. Жазғы Гран-при кезеңі ұпайы мен деңгейі жағынан әлем кубогына теңестіріледі. Жарысқа қатысқан тағы бір отандасымыз Илья Мизерных та жақсы нәтиже көрсетті. Дегенмен, жүлдеге сәл жетпей тоқтады»,-деді Ұлттық құраманың бас бапкері Павел Васильев Спортты дамыту дирекциясының баспасөз қызметіне берген сұхбатында.
Айта кетейік, Мизерных бүгінгі жарысты 24-сатыда аяқтады.
Дмитрий Панарин бадминтоннан бірқатар турнирге қатысады
Тәжірибелі автоспортшы жаттығу кезінде мерт болды
Жастар спорттық ойындарында Қазақстанның үздік садақшылары анықталды