«Ноттингем Форест» АПЛ-ды жеңіспен бастады
«Ноттингем Форест» футбол клубы Англия Премьер лигасын жеңіспен бастады, деп хабарлайды Prosports.kz.
Нуну Эшпириту Сантудың командасы 1-турда лондондық «Брентфордқа» қарсы ойнады. Сити Граунд стадионында Ноттингем ойыншылары мәселені алғашқы таймда-ақ шешіп тастады. Крис Вуд матчтың 5-минутында алаң иелерінің бұл маусымдағы алғашқы голын соқты. 42-минутта Дан Ндойе «Ноттингем Форест» сапындағы ресми дебюттық ойынында алғашқы голын салды. Бірінші кезең аяқталар тұста Вуд дубль авторы атанды.
«Брентфорд» бұл ойында тек бір гол соқты. 78-минутта Игор Тиаго пенальтиден қақпаны дәл көздеді. Қорытынды есеп 3:1, «Ноттингем Форест» алғашқы турда жеңіске жетті.
Италиялық «Рома» Джейдон Санчо қатарына қосатынына сенімді
«Реал» қатарына 18 жасар футболшыны қосты
«Челси» Англия чемпионатының алғашқы турында жеңіске жете алмады