«Елімай» Алматыда сенсациялық жеңіске жетті
Алматылық «Қайрат» Қазақстан премьер-лигасының 21-турында өз алаңында семейлік «Елімайға» жол берді, деп хабарлайды Prosports.kz.
Кездесу Алматыдағы Орталық стадионда өтті. Ойын тартысты өтіп, қонақтар 3:2 есебімен жеңісті жұлып алды.
Голдар тізімі мынадай: Эдмилсон 15-минутта есеп ашты (1:0), ол 37-минутта дубль авторы атанды (2:0). Бірақ үзіліске дейін «Елімай» таразы басын теңестіріп үлгерді: 42-минутта Плакка (2:1), 45-минутта Свиридов (2:2). Ал шешуші голды Плакка 83-минутта соғып, қонақтарға жеңіс сыйлады (2:3).
Бұл нәтижеден кейін «Қайрат» 43 ұпайымен турнир кестесінің көшін сақтап қалды. Ал «Елімай» қоржынындағы ұпай санын 35-ке жеткізіп, төртінші орынға көтерілді.
Конференция лигасы: «Астана» – «Лозанна» кездесуіне төрешілер тағайындалды