«Ливерпуль» драматикалық жеңіске жетті: Кьеза шешуші гол соқты
Англия Премьер-Лигасының жаңа маусымының бірінші турында «Ливерпуль» «Борнмутты» 4:2 есебімен жеңді, деп хабарлайды Prosports.kz.
Матч 16 тамызда «Энфилд» стадионында өтті.
Ойынның 37-минутында Уго Экитике есеп ашты, ал 49-минутта Коди Гакпо айырманы екі еселеді. Дегенмен, «Борнмут» берілмеді: 64- және 76-минуттарда Антуан Семеньо дубль жасап, есепті теңестірді.
Ойынның соңындағы шешуші сәтте 88-минутта Федерико Кьеза, ал қосымша уақытта Мохамед Салах «Ливерпульге» жеңісті сыйлады.
Матч барысында жанкүйерлер жол апатынан қайтыс болған Диогу Жота мен оның бауырын еске алды. Алайда ойын расистік оқиғамен де есте қалды: Антуан Семеньо жанкүйерлердің орынсыз әрекетіне шағымданды, матч бірнеше минутқа тоқтатылды.
«Реал» қатарына 18 жасар футболшыны қосты
«Ренн» «Марсельді» соңғы минутта жеңіп, 1 Лига маусымын бастады
Испания чемпионаты: «Райо Вальекано» алғашқы турда жеңіске жетті