«Астана» қарымта матч алдындағы жасырын жоспар туралы айтты
Футболдан «Астана» клубының бас бапкері Григорий Бабаян Конференция лигасының үшінші іріктеу кезеңіндегі швейцариялық «Лозаннаға» қарсы өтетін жауапты матч алдында пікір білдірді, деп хабарлайды Prosports.kz.
Бапкердің айтуынша, 7 тамызда Лозаннада өткен және қазақстандықтардың 1:3 есебімен жеңілісімен аяқталған алғашқы кездесуде көп қажетсіз жекелей қателіктер жіберілген.
— Бұл ойынға біз қуып жетуші рөлінде келеміз, ал футболда екі доптық артықшылық – бұл маңызды фактор. Дегенмен, бір апта бойы біз ойынды талдап, сәттерді қарап, футболшыларға кемшіліктері мен қарсыластың әлсіз тұстарын көрсеттік. Алғашқы матчта іске аспаған дүниелерді ертең алғашқы минуттардан орындауға тырысамыз, — деді ол.
Бабаян сондай-ақ жанкүйерлердің рөліне тоқталды:
— Матч басынан жанкүйерлердің қолдауы шешуші рөл атқаруы мүмкін. Бір апта ішінде ойыншылар алған мол ақпаратты алаңда толық көрсетуі маңызды, — деп атап өтті ол.
Жауапты кездесу 14 тамыз күні ел астанасындағы «Астана Арена» стадионында өтеді.
Конференция лигасы: «Астана» – «Лозанна» кездесуіне төрешілер тағайындалды
Владимир Вайсс «Қайрат» ойыншыларын жеңістерімен құттықтады
«Қайрат» «Слованды» Чемпиондар лигасынан шығарып тастады