Константин Горовенко: «Қайрат» физикалық тұрғыдан өте жақсы дайындалған
Белгілі қазақстандық маман Константин Горовенко Братиславадағы «Слованға» қарсы өткен Чемпиондар лигасының жауапты ойынына қатысты пікірін айтты, деп хабарлайды Prosports.kz.
– Ойын өте тартысты өтті. Бас төреші алғашқыда сары қағаздарды көп бермей, қатаңдыққа жол берді, содан болар фолдар көбейіп кетті. Екінші таймда ескерту де жиі көрсетілді. Шекаралық сәттердің көбі «Слован» пайдасына шешілгендей болды. Қарсыластың ойыншылары жиі жатты, бұлшық еттерін ұстап жатты. «Қайрат» қысымды күшейткенде, алаңдағы үстемдік өздеріне өтті.
Алматылықтар өте лайықты ойын көрсетті. Қысымды күшейткен сәттерде қарсыластан басым түсті. Ұзын пастар арқылы алға шығу қиындау болды – Эдмилсон допқа жете алмай жатты. Команда Сантананың орнына ірі денелі шабуылшы іздегенін түсінемін. Эдмилсон техникасы жоғары, комбинацияда жақсы, бірақ ірі қорғаушылармен күресу оған қиын.
Жоржиньо мен Громыко көшбасшылық танытты, Мартынович те өз деңгейін көрсетті. «Қайрат» физикалық тұрғыдан мықты дайындалған, алайда алмастырар ойыншы көп емес. Соған қарамастан, футболшылар бір-бірін жақсы түсінеді.
Пенальти сериясында сәттілік «Қайрат» жағында болды: Заруцкий шешуші сәтте қарсыласын жеңіп, Барсегян мен Жоржиньо нүкте қойды. Бразилиялық футболшы командаға үлкен пайда әкеліп жүр.
Құттықтаймын, «Қайрат»! Енді жаңа жеңістер күтеміз. Еурокубоктық күз қалтада, енді неге Чемпиондар лигасына ұмтылмасқа? Футболда бәрі мүмкін, – деді маман.
«Қайрат» «Слованды» Чемпиондар лигасынан шығарып тастады
Күзде Қазақстан футболында кең ауқымды өзгерістер орын алуы мүмкін
Ресми: «Жетісу» футбол клубына техникалық жеңіліс жазылды