Қазақстандық шабуылшы Еуропа мен Солтүстік Америкада клуб табу қиынға соққанын айтты
24 жастағы қазақстандық шабуылшы Андрей Буяльский Құрлықтық хоккей лигасында (ҚХЛ) «Барыс» сапында ойнағаннан кейін Еуропа мен Солтүстік Америкада клуб табу қиынға соққанын айтты, деп хабарлайды Prosports.kz.
«Қазір клуб табу әлдеқайда қиын болып кетті. Көптеген лигалар ҚХЛ-да келісімшарты болған ойыншылармен жұмыс істеуден және оларды іздеуден мүлде бас тартып жатыр», — деді хоккейші Legalbet.kz тілшісіне берген сұхбатында.
2024/25 маусымында Буяльский ҚХЛ-да «Барыс» сапында үш матч, сондай-ақ Қазақстан чемпионатында «Сарыарқа» мен «Хумо» командаларында ойнады. Хоккейші Қазақстан ұлттық құрамасы сапында Азия чемпионы және Азия ойындарының жеңімпазы атанған.
11 шілдеде Буяльский Польшаның Бытом қаласындағы «Полония» клубына ауысты. Бұл команда өткен маусымда Польшаның екінші деңгейлі лигасында ойнаған. 2025 жылғы сәуірде «Полония» Dzika karta арқылы елдің жоғары дивизионы — ПХЛ-2025/26 маусымында өнер көрсету құқығына ие болды.
«Барыстың» негізгі бәсекелесі Гагарин кубогының иегерімен келісімшартқа қол қойды
«Барыс» бұрынғы хоккейшілерімен келіссөз жүргізіп жатыр