Кем дегенде қола. Қазақcтандық боксшы Азия чемпионатының жүлдегері атанды
Қазақcтандық боксшы Гүлназ Бөрібаева Тайландтың Бангкок қаласында өтіп жатқан World Boxing ұйымы ұйымдастырған 2025 жылғы жастар арасындағы Азия чемпионатында ширек финалдық жекпе-жегін өткізді, деп хабарлайды Prosports.kz.
48 келіге дейінгі салмақ дәрежесіндегі 1/4 финалда Бөрібаева жапониялық Нон Госогавамен жұдырықтасып, мерзімінен бұрын жеңіске жетті. Бірінші раундта қарсыласы нокдаунға түсті, ал екінші үш минуттықта төреші тағы бір нокдауннан кейін жекпе-жекті тоқтатты.
Осылайша, Гүлназ Бөрібаева құрлықтық біріншіліктің жартылай финалына шығып, кем дегенде қола жүлдені қамтамасыз етті.
Қазақстандық боксшы Азия чемпионатынан шығып қалды
Диана Серікбаева Азия чемпионатының ширек финалына жолдама алды
Тағы да үш қазақстандық боксшы Азия чемпионатында алғашқы сыннан сүрінбей өтті