«Ақтөбе» Конференция лигасында «Спартаға» жол берді
Бүгін Чехияда «Спарта» мен «Ақтөбе» командалары арасында қарымта матч өтті, деп хабарлайды Prosports.kz.
Конференция лигасының екінші іріктеу кезеңі аясында өткен матчта «ақ-қызылдар» чехилық «Спартаға» қонаққа барды. Бірінші тайм 0:0 есебімен аяқталды. Ал екінші таймда ақтөбеліктер жеті минутта үш гол жіберіп алды. 57-минутта Велько Бирманчевич есеп ашса, үш минуттан кейін Матей Ринеш есепті еселеді. Артынша Ян Кухта қанжығасын майлады. Ал кездесудің соңына қарай Альбион Рахмани матч нүктесін қойды - 4:0.
Осылайша екі матч қорытындысы бойынша «Спарта» 5:2 есебімен басым болып, келесі кезеңге жолдама алды. «Ақтөбе» үшін еурокубок осымен тәмам.
Еске салайық, алғашқы кездесуде «Ақтөбе» 2:1 есебімен жеңіске жеткен еді.
Конференция лигасы. Екінші іріктеу кезең
«Спарта» (Чехия, Прага) - «Ақтөбе» (Ақтөбе, Қазақстан) 4:0 (0:0)
Голдар: Бирманчевич 57, Ринеш 60, Кухта 64, Рахмани 90+4
«Астана» Конференция лигасының үшінші іріктеу кезеңіне жолдама алды
«Қайрат» - «Слован» матчына төрешілер тағайындалды
Сарапшы: «Мұндай «Қайратты» көптен бері көрмеп едім»
«Елімай» ойыншысы алдағы «Оқжетпеске» қарсы матчқа қатыспайды