Сарапшы: «Мұндай «Қайратты» көптен бері көрмеп едім»
Қазақстан құрамасы мен «Қайраттың» бұрынғы шабуылшысы Сергей Пацай алматылық клубтың КуПС-пен қарымта кездесуіне қатысты пікір білдірді, деп жазады Prosports.kz.
«Қайрат» Чемпиондар лигасы іріктеуінде ойнап жатыр, сондықтан бірінші ойында қарсыласын бағаламаған жоқ. Ал қарымта матчта барын салды. Екі допты қайтаруға небәрі 90 минут болды – сондықтан алғашқы 15 минутта гол соғуға бар күшін салды. Финдер ауа райына да төтеп бере алмады. Жылдам гол өз жігіттерімізге сенім берді, ал қарсылас сасып қалды. Бүкіл команданы ерекше атап өткім келеді – мұндай “Қайратты” көптен бері көрмеппін», – деді ол Legalbet.kz сайтына.
Айта кетейік, алматылық ұжым КуПС командасын 3:0 есебімен жеңіп, екі матч қорытындысы бойынша (3:2) келесі кезеңге жолдама алды.
Келесі қарсылас – словакиялық «Слован». Қайрат олармен алғашқы ойынын 6 тамызда Алматыда, қарымтасын 13 тамызда Братиславада өткізеді. Қызығы, «Слованды» «Қайраттың» бұрынғы бапкері Владимир Вайсс жаттықтырады.