Танымал сарапшы «Барыстың» бас бапкері қызметіне үміткер маманды бағалады
Түрлі ақпарат көздеріне сәйкес, «Барыстың» бас бапкері ресейлік маман Михаил Кравец болуы ықтимал.
Хоккейден бұрынғы мемлекеттік бапкер Сергей Шавернев Prosports.kz тілшісіне берген сұхбатында ресейлік маманның бұл қызметке тағайындалуы туралы ақпаратқа қатысты ойын айтты.
– Мұндай ақпарат тарады. Бұл, сірә, титулды демеушінің де пайда болуымен байланысты шығар. Легионерлерге 2 миллион доллар бөлінеді деген де ақпарат бар – «Барысқа» көмектесуге дайын Хоттабыч атамыз табылған сияқты.
Кравец – атағы бар, көпшілікке танымал, жоғары деңгейдегі командалармен жұмыс істеу тәжірибесі мол бапкер. Қазір ол клубта жоқ, бұл мәселе әлі толық шешілмеген сияқты. Өйткені бас бапкер команданы өзі жасақтауы керек, ал қазіргі нарық өте шектеулі – легионерлер мен ресейлік ойыншыларды тарту да қиын. Беделіне нұқсан келмес үшін, Буцаевпен болған жағдай қайталанбас үшін, Кравец қазір ойланып жүр – деді сарапшы.