WBO нұсқасы бойынша Усиктің келесі міндетті қарсыласы белгілі болды
Бүкіләлемдік бокс ұйымы (WBO) аса ауыр салмақтағы абсолют әлем чемпионы Александр Усик пен уақытша чемпион Джозеф Паркер арасындағы жекпе-жекті ресми түрде санкциялады, деп хабарлайды Prosports.kz.
Бұл туралы WBO баспасөз қызметі мәлімдеді.
Тараптарға келіссөз жүргізу үшін 30 күн берілді. Егер келісімге қол жеткізілмесе, ұйым промоутерлік сауда тағайындайды.
Паркер – міндетті үміткер және WBO белбеуі үшін жекпе-жекке шығуға құқылы. Егер Усик бұл кездесуден бас тартса, ол абсолют чемпион атағынан айырылып, белбеу бос деп танылады.
33 жастағы Паркер кәсіпқой рингте 36 жеңіске (24 нокаутпен) жетіп, 3 рет жеңілген. 38 жастағы Усик әлі жеңілмеген: 24 жекпе-жекте 24 жеңіс (15 нокаутпен).
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или