«Оқжетпеске» жаңа бас бапкер келді. Ол маусымды Бірінші лигада бастаған
«Оқжетпес» футбол клубы команданың жаңа бас бапкері болып Қайрат Нұрдәулетов тағайындалды, деп жазады Prosports.kz тілшісі.
46 жастағы маманмен жасалған келісімшарттың шарттары жарияланбады.
Нұрдәулетов бұл қызметке Андрей Ферапонтовтың орнына келді. Ферапонтовтың жетекшілігімен «Оқжетпес» Бірінші лигада сәтті өнер көрсетіп, Премьер-лигаға жолдама алған және маусымды сенімді бастады. Қазіргі таңда команда 14 турдан кейін 21 ұпаймен турнир кестесінде алтыншы орында тұр.
Нұрдәулетов өз бапкерлік мансабында Қазақстан ұлттық құрамасының жаттықтырушылар штабында жұмыс істеп, жастар құрамасын (U21) жаттықтырды, сондай-ақ «Мақтаарал», «Жетісу» және «Ертіс» клубтарының тізгінін ұстаған. Сонымен қатар, ол ҚФФ құрамалар департаментінің директоры қызметін де атқарған.