Қазақстандық боксшы WBA рейтингінде үздік ондыққа енді
WBA (Дүниежүзілік бокс қауымдастығы) жаңартылған рейтингінде Қазақстан тумасы Роман Фресс өз орнын жақсартып, бірінші ауыр салмақта 12-орыннан 10-орынға көтерілді.
Рейтингтегі ең үлкен жаңалық – америкалық блогер әрі боксшы Джейк Полдың ресми тізімге енуі болды. Ол Хулио Сезар Чавес-кішімен жекпе-жекте жеңіске жетіп, сол салмақта 14-орынға тұрақтады.
Ал армян текті, бірақ Франция туы астында өнер көрсететін Арсен Гуламирян керісінше, рейтингте төмендеп, 6-орынға сырғыды. Ресейлік боксшылар Алексей Егоров пен Алексей Папин өз орындарын жақсартып, тиісінше 11 және 12-орындарға көтерілді.
Ауыр салмақта Мурат Гассиев екі саты алға жылжып, 11-орынға шықты.
Басқа салмақ дәрежелерінде де өзгерістер тіркелді. Жартылай орта салмақта литвалық Эймантас Станенис 2-орынға көтерілсе, армян Оганес Бачков бірінші жартылай орта салмақта 13-орынмен рейтингке енді. Өзбек Сиро Чои жеңіл салмақта 12-орынға көтерілді, ал ресейлік Тигран Узлян алғаш рет WBA рейтингінде бой көрсетіп, 15-орынға табан тіреді.