PaiN Gaming FURIA командасын жарыстан шығарып, BLAST.tv Major 2025 турнирінің жартылай финалына өтті
PaiN Gaming BLAST.tv Austin Major 2025 турнирінің жартылай финалына шыққан соңғы команда болды, деп хабарлайды Prosports.kz.
Ширек финалда бразилиялық ұжым өз отандастары FURIA Esports командасын 2:1 есебімен жеңді — Nuke-де 6:13 есебімен ұтылып, Anubis-те 13:8 және Inferno-да 16:12 нәтижесімен жеңіске жетті.
Родриго «biguzera» Биттенкур бастаған команда турнирді жалғастырады және жартылай финалда FaZe Clan — The Mongolz кездесуінің жеңімпазымен ойнайды.
FURIA жарысты аяқтады. Габриэль «FalleN» Толедоның командасы 5–8 орынға ие болып, 45 мың доллар (шамамен 20,3 миллион теңге) көлемінде жүлде алды. Бұған дейін турнирден Team Spirit ұшып кеткен еді.
BLAST.tv Austin Major 2025 турнирі АҚШ-та 3–22 маусым аралығында өтіп жатыр. Чемпионаттың жалпы жүлде қоры — 1,25 миллион доллар (шамамен 564 миллион теңге).