«Қайрат» «Виктория Пльзень» шабуылшысын қатарына қосуға жақын
Қазақстанның қазіргі чемпионы «Қайрат» «Виктория» Пльзень командасының бразилиялық шабуылшысы Рикардиньоны қатарына қосуға жақын, деп хабарлайды Prosports.kz тілшісі Meta-ratings.kz сайтына сілтеме жасап.
Алдағы күндері форвард Алматыға медициналық тексерістен өтіп, жаңа клубымен келісімшарт жасау үшін келеді.
Рикардиньоның соңғы клубы — Израильдің «Маккаби Хайфа» командасы болды. Онда ол жалда өнер көрсетіп, 11 матчта бір гол соқты.
Бразилиялық шабуылшы «Сан-Паулу» клубының түлегі. Сондай-ақ ол «Гремио», «Атлетико Гойяньенсе», Португалияның «Маритиму» және Болгарияның «Левски» клубтарында өнер көрсеткен.
Transfermarkt порталы Рикардиньоны 800 мың еуроға бағалап отыр.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или