Жәнібек Әлімханұлы 20-0 рекорды бар боксшыдан шақырту алды
Жеңіліп көрмеген қазақстандық боксшы, орта салмақтағы WBO және IBF тұжырымдары бойынша әлем чемпионы Жәнібек Әлімханұлы кезекті қарсыласынан шақырту алды, деп хабарлайды Prosports.kz тілшісі Спорт Шредингера Telegram-арнасына сілтеме жасап.
Жәнібектің келесі қарсыласы мықты да, жеңіліп көрмеген ирландиялық боксшы Аарон Маккена болуы мүмкін. Оның рекорды қазақстандық чемпионнан да жақсырақ: Жәнібекте 17 жеңіс (12-нокаутпен), ал Маккенада – 20 кездесуде 20 жеңіс, оның 10-ы нокаутпен аяқталған.
«Мен Жәнібекпен, Адамеспен не Ларамен — орта салмақтағы кез келген әлем чемпионмен жекпе-жек өткізуге дайынмын. Бұл айқасты Канело – Кроуфорд жекпе-жегінің кардында ұйымдастырайық. Турки Әл аш-Шейх, орта салмақты қайта жандандырайық! Ирландиялықтар келе жатыр!» — деп мәлімдеді 25 жастағы Маккена.