Елена Рыбакина жеңісі, келесі қарсыласы және Диснейленд туралы айтты
Американдық Ива Йовичті «Ролан Гаррос» турнирінің екінші кезеңінде жеңгеннен кейін, Елена Рыбакина Sport+ арнасына берген сұхбатында жеңісі, келесі қарсыласы және Диснейленд туралы айтты, деп хабарлайды Prosports.kz.
— Елена, жеңісіңізбен құттықтаймыз. Жалпы, осы жылығы өзіңізді қалай бағалайсыз? Айқын жеңістер болды, сонымен қатар ерте кезеңдерде өкінішті жеңілістер де болды. Жалпы, 2025 жылыңызды қалай бағалар едіңіз?
— Әрине, бұл маған әдеттегі бастаулардың бірі емес еді. Әдетте, маусым алдындағы дайындықтан кейін жақсы ойнайтынмын. Бұл жолы бәрі басқа болды. Өткен маусымның соңын өткізіп алдым. Қайтып, өз деңгейіме жету үшін уақыт керек. Бірақ біртіндеп дұрыс бағытта қозғалудамыз деп ойлаймын, барлық аспектілер бойынша жұмыс жасап, күннен күнге жақсартуға тырысамыз.
— Қарсыласыңыз туралы пікіріңізді білгім келеді, сіз оны екі рет ойнадыңыз. Ол қандай ойыншы? Оның күшті жақтары неде?
— Қатты жабық кортта ол қауіптірек деп ойлаймын. Құм үстіндегі корт — өте ерекше жабын, және бәріне қолайлы емес. Оның жақсы соққылары бар және дұрыс көңіл-күйде — күреседі. Барлығы турдағы тәжірибеге және ойнаған матч санына байланысты.
— Сіз бүгінгі күннің ұзақ болғанын айттыңыз, себебі сіздің матчқа дейін ерлер ойнаған. Күніңіз қалай өтті, қашан басталды, қашан кортыға келдіңіз?
— Менің дене қыздыруым 14:30–да болды, бірақ күні бойы 13:00–де келіп қойдым. Жаңбыр жауып тұрды, бірақ кестеге қатты әсер етпеді. Ерлердің матчі менің алдымда біраз ұзаққа созылды. Мен көп нәрсе істеген жоқпын — жылынып, киінгенім, тамақтанғаным, командамен сөйлескенім және өз матчымды күткенім ғана. Тіпті аздап ұйықтап та қалдым, бұл мен үшін сирек жағдай. Бірақ матч шынымен ұзақ болды.
— Келесі матч Остапенкоға қарсы. Оның туралы не ойлайсыз?
— Қауіпті қарсылас. Ол қатты соғады, өте агрессивті ойнай алады. Маған міндетті түрде сервисіме назар аударып, жинақы, тұрақты және сабырлы болып, мүмкіндіктерді пайдалану керек болады.
— Елена, теннис емес бір сұрақ қойсам. Сіз Францияда, соның ішінде Парижде турнирлерге жиі барасыз. Әрине, Диснейлендке де бірнеше рет барған боларсыз. Онда не ұнайды?
— Рақмет! Шынымды айтсам, сенбейсіздер, бірақ мен әлі бір рет те Диснейлендке бармадым. 2020 жылы Страсбургте финалға шыққанда, сол жерде баруды жоспарладық, бірақ сәті түсіп қалған жоқ. Сол кезден бері де мүмкіндіктер болмады. Жақында барып қаламын деп үміттенемін.