ФИФА Анчелоттидің Бразилиямен келісімшартына қатысты тергеуді бастады
ФИФА Бразилия футбол конфедерациясына (CBF) Карло Анчелоттиді Бразилия ерлер құрамасының бас бапкері қызметіне қабылдау кезінде футбол агенттері туралы ережені бұзу мүмкіндігін тексеру қажеттілігі туралы хабарлады.
Әңгіме агент Диего Фернандес үшін болжанған 1,2 миллион еуро көлеміндегі комиссия туралы болып отыр, деп хабарлайды Ge.Globo.
ФИФА басшысы Диего Фернандестің рөліне күмән келтіріп отыр.
ФИФА CBF-тен Диего Фернандестің ресми міндеттерін сұрады, сонымен қатар келесі мәселелер бойынша түсініктеме беруді талап етті:
— CBF-тің осы іс бойынша, әсіресе келісімшартқа қол қоюдағы Диего Фернандестің рөліне қатысты позициясының қысқаша мазмұны;
— келісім-шартқа қатысты хат алмасудың кез келген нысандары, әсіресе Диего Фернандеске қатысты;
— шартқа қол қоюға байланысты барлық төлемдердің көшірмелері;
— CBF мен Диего Фернандес арасындағы кез келген келісімдер.