Падел Қазақстанды бағындыруды жалғастыруда: алдағы демалыста халықаралық деңгейдегі әйелдер турнирі өтеді
Алдағы демалыс күндері Қазақстандағы спорт әуесқойлары үшін қызықты болады: 24 және 25 мамырда Алматыдағы ADD Padel Center-де халықаралық падел федерациясының қолдауымен FIP bronze Kazakhstan 2025 сериясындағы беделді әйелдер турнирі өтеді. Кіру тегін, ал жексенбіде шешуші кездесулерді Qazsport арнасы көрсетеді.
Бұл Алматыда мамыр айында өтетін падел бойынша екінші халықаралық турнир. Екі апта бұрын осы сериядағы ерлер арасындағы жарыс осында аяқталды. 8-11 мамыр аралығында корттарға 20-дан астам елдің қатысушылары, соның ішінде Испания мен Аргентинаның мықты ойыншылары шықты. Қазақстан атынан 19 спортшы қатысты.
Ерлер турнирінің басты кубогын испан дуэті – Игнасио Вилариньо Гестосо мен Хайме Муньос жеңіп алды. Турнирдің жүлде қоры 3500 еуроны құрады. Дәл осындай соманы әйелдер жарысының жеңімпаздары да алады.
Алдағы әйелдер турнирінде Испания, Ұлыбритания, Нидерланды, Венесуэла және Ресей спортшылары бар. Қазақстан атынан Айгерім Сүлеймен, Екатерина Гурова, Лолита Вахрушева, Анастасия Иванова, Татьяна Щербакова және Мария Синицына қатысады.
Tennisi.kz букмекерлік кеңсесі елдегі падел турнирі мен оның дамуына айтарлықтай қолдау көрсетті, еліміздегі спорттың дамуына белсенді қолдау көрсетіп келеді.
«Біздің елімізде осы жаңа және керемет серпінді спорт түрін дамытуға әріптестерімізге көмектесу біз үшін үлкен мәртебе.
Бұл ойынның рухы бізге өте жақын, біздің миссиямыз бен құндылықтарымызға сәйкес келеді. Сондай-ақ, жасыл доп бар жерде әрқашанда Tennisi.kz бар», - деп атап өтті Tennisi.kz басшысы Сергей Казаков.
Әйелдер FIP bronze Kazakhstan сенбі, 24 мамыр, Алматы уақыты бойынша түстен кейін басталады. Турнир барлық ниет білдірушілер үшін ашық — Өтепов, 2/2 мекенжайындағы ADD Padel орталығы, кіру тегін.