Әлем чемпионаты: Қазақстан хоккей құрамасы бүгін Чехиямен ойнайды
Хоккейден Қазақстан құрамасы 2025 жылғы әлем чемпионаты элиталық дивизионындағы бесінші ойынын бүгін Чехияға қарсы өткізеді, деп хабарлайды Prosports.kz тілшісі ҚазАқпаратқа сілтеме жасап.
Кездесу Қазақстан уақытымен сағат 19:20-да басталып, «Qazsport» телеарнасынан тікелей эфирде көрсетіледі.
Әлем чемпионатында Қазақстан құрамасы В тобында ойнап жатыр. Қарсыластары - Финляндия, Чехия, АҚШ, Германия, Дания, Норвегия және Мажарстан. Ойындар Данияның Хернинг қаласында болады.
Екі құрама бұған дейін бес мәрте шеберлік байқасты. Оның барлығында қазақстандық хоккейшілер қарсыласына есе жіберді.
Қазірге дейін Қазақстан құрамасы Норвегияны (2:1) жеңіп, Германияға (1:4), Мажарстанға (2:4), Данияға (1:5) есе жіберсе, Чехия Швейцария (5:4), Норвегия (2:1), Дания (7:2), Мажарстан (6:1) құрамаларын қапы қалдырды.
Чехия құрамасының хоккейшілері
Қақпашылар: Карел Веймелка («Юта») және Даниэль Владарж («Калгари»).
Қорғаушылар: Филип Пирохта («Млада Болеслав»), Филип Гронек («Ванкувер»), Якуб Крейчик («Спарта»), Томаш Кундратек («Тршинец»), Иржи Тихачек («Кярпят»), Либор Хайек («Пардубице»), Давид Шпачек («Миннесота»).
Шабуылшылар: Ондржей Беранек («Карловы Вары»), Петр Кодытек (ХИФК), Даниэль Возенилек («Цуг»), Матей Странски және Филип Задина (екеуі — «Давос»), Якуб Лауко және Давид Пастрняк (екеуі- «Бостон»), Яхим Конделик, Роман Червенка және Лукаш Седлак (барлығы - «Пардубице»), Якуб Флек («Комета Брно»), Михал Шпачек («Спарта»), Мартин Нечас («Колорадо»).
Сондай-ақ бүгін В тобында 15:20-да АҚШ пен Германия, 23:20-да Дания мен Норвегия шеберлік байқасады.
Ал А тобында сағат 15:20-да Финляндия мен Латвия, 19:20-да Франция мен Швеция, 23:20-да Канада мен Словакия ойнайды.
Ел құрамасы дүбірлі додаға биыл 13-ші мәрте қатысып отыр. Әзірге ең жоғары көрсеткіші - 2021 жылғы оныншы орын.