«Шахтер» үш ойыншымен келісімшартқа отырды
Қарағандылық «Шахтер» жастар құрамасының ойыншылары Илья Гезик, Нұрхан Қағазбаев және Мирас Қуатпен келісімшартқа отырды, деп хабарлайды Prosports.kz.
«Шахтер» U-17 сапында өткен маусымдағы QJ лигасының үздік бомбардирі Илья Гезик ойынды жиі өз қолына алып, матчтың нәтижесін шешетін. Ол 22 ойында 10 гол соғып, 8 нәтижелі пас берді. Ол маусым айының үздік ойыншысы деп танылды.
Өткен маусымда 18 жасқа дейінгі «Шахтер» командасының капитаны Нұрхан Қағазбаев «Таразға» қарсы ойында тамаша жеке шеберлік танытып, қазан айының үздік голы номинациясын жеңіп алды. Қорғаныстағы жартылай қорғаушы ретінде ойнап, көшбасшылық қасиеттерін көрсетіп, маусымда 3 гол соқты.
Мирас Қуат өткен маусымда 7 гол соғып, маусымның қорытындысы бойынша «Үздік жыл голы» аталымына ұсынылды.