Қазақстан әлем чемпионатының финалдық кезеңіне шықты
WTA әлемдік рейтингінде оныншы орында тұрған қазақстандық теннисші Елена Рыбакина Австралияның Брисбен қаласында өтіп жатқан Билли Жан Кинг кубогының іріктеу кезеңінде колумбиялық Юлиана Лизаразоны (684-орын) сенімді түрде ұтты, деп хабарлайды Prosports.kz.
Матч 52 минутта 6:1, 6:2 есебімен Рыбакинаның пайдасына аяқталды, бұл Қазақстан құрамасына Колумбиямен текетіресте жеңісті қамтамасыз етіп, екінші ұпай алуға мүмкіндік берді.
Бұған дейін Юлия Путинцева да (рейтингте №23) рейтингтік кестеде өзінен 700-ден астам позицияға төмен тұрған Валентина Медиорреаль Ариасты сенімді ұтқан болатын - кездесу 6:0, 6:1 есебімен аяқталды.
Бұл екі жеңіс Қазақстанның әйелдер командалары арасындағы беделді командалық турнирдің финалдық кезеңіне шығуына кепілдік берді.
Бүгін кешке жұптық кездесу өтеді: Жібек Құламбаева мен Анна Данилина дуэті колумбиялық Мария Паулина Перес Гарсия мен Юлиана Лизаразомен кездеседі.