Даниял Сапарбай Бразилияда өзбек боксшысымен кездесті
Қазақстандық боксшы Даниял Сапарбай «World Boxing» ұйымдастыруымен Фоз-ду-Игуакуда (Бразилия) өтіп жатқан бокстан әлем кубогының жартылай финалында өнер көрсетті, деп хабарлайды Prosports.kz.
90 келіден жоғары салмақ дәрежесінде жартылай финалда Сапарбай екі дүркін Олимпиада чемпионы Баходир Жалоловтың мұрагері атанған аса ауыр салмақтағы өзбекстандық Жахонгир Зокировқа қарсы шықты. Бұл текетірестің нәтижесі 5:0 есебімен өзбектің пайдасына аяқталды.
Осылайша Жахонгир Зокиров әлем чемпионатының финалына шығып, онда алтынға таласса, Даниял Сапарбай турнирдегі өнерін қола медальмен аяқтады.
Айта кетейік, Зокиров 2021 жылғы жастар арасындағы әлем чемпионы, сонымен қатар 22 жасқа дейінгі боксшылар арасындағы екі дүркін Азия чемпионы.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или