Жәнібек Әлімханұлы: «Qazaq style» кім екенін бүкіл әлемге паш етеміз
Бүгін Астанадағы Хан-Шатыр ойын сауық орталығында Жәнібек Әлімханұлы 5 сәуір күні өтетін бокс кешінің алдында ашық жаттығу өткізді, деп хабарлайды Prosports.kz
Ашық жаттығудан кейін қазақстандық боксшы жанкүйерлерді бокс кешіне шақырып, керемет жекпе-жек өткізуге уәде берді
«Күні кеше жекпе-жекке арналған жаттығу жұмыстарын аяқтап, Астанаға келдік. Бәрі жақсы, бәрі тамаша. Бокс кешіне келіңіздер. Жанкүйер болыңыздар! «Qazaq style» кім екенін бүкіл әлемге паш ететін боламыз. Өз елімде, өз жерімдемін. Біз қожайын!», деп аяқтады сөзін боксшы Qazsport телеарнасына берген сұхбатында.
Жәнібек Әлімханұлы (16-0, 11 КО) мен франциялық Анауэль Нгамиссенге (14-0, 9 КО) арасындағы жекпе-жек 5 сәуір күні Астанадағы «Барыс Арена» спорт кешенінде өтеді. Қазақстандық боксшы IBF және WBO тұжырымдамалары бойынша орта салмақтағы чемпиондық белбеулерін қорғайды.