«Барселона» көшбасшысынан айырылуы мүмкін
Ла Лига «Барселонаның» Даниэль Ольмо және Пау Виктор ойыншыларын тіркеуге құқықсыз болғанын мәлімдеді және осыған байланысты екі ойыншы да маусым соңына дейін барлық турнирлерге команданың құрамына қосылмауы мүмкін, деп хабарлайды Prosports.kz.
AFP мәліметі бойынша, «Барселона» қаңтар айында өзіне қайта жөнделген стадионындағы VIP орындарды сатудан 100 миллион еуро табыс тапты. Бұл келісім клубқа қаржылық фэйр-плей талаптарына сай болуға және Ольмо мен Викторды маусымның екінші бөлігіне тіркеуге мүмкіндік берді. Алайда, қазір Ла Лига қайта тексеруден кейін бұл табыстың клубтың пайда мен шығындар есебінде көрсетілмегенін анықтады.
Испанияның Жоғарғы спорттық кеңесі (CSD) Ольмо мен Виктордың лицензиялары бойынша 7 сәуірге дейін шешім қабылдауы керек.