World Boxing: 2 сәуірде қазақстандық бес боксшы шаршы алаңға шығады
World Boxing аясында өтетін әлем кубогының бірінші кезеңінде 2 сәуірде қазақстандық 4 боксшы шаршы алаңға шығады.
2 сәуірде сағат 22:00-де ел құрамасынан Нұрсұлтан Алтынбек (55 келі) франциялық Билал Беналимен кездеседі. Ол алғашқы жекпе-жегінде бразилиялық Мишель Тринидадиден басым түсті.
Ал Дархан Дүйсебай (70 келі) алғашқы жекпе-жегінде франциялық Макан Траоремен (Франция) шаршы алаңға шығады.
Сондай-ақ түнгі 2:00-де ел құрамасынан Жазира Орақбаева (51 келі) бразилиялық Каролин Алмейда, Диас Молжігітов (80 келі) польшалық Никоден Козакпен шеберлік байқасады.
Ел құрамасынан 90 келіден жоғары. Даниял Сапарбай үндістанық Нарендер Нарендерді тізе бүктірді.
Қазірге дейін ел құрамасынан Нұрзат Оңғаров (50 келі),
Талғат Сырымбетов (60 келі), Анита Әдішева (54 келі), Алмат Әбдуали (65 келі) жарыс жолынан шығып қалды.
Сондай-ақ 4 сәуірде Ұлжан Сәрсенбек (57 келі) пен Дәулет Төлемісов (85 келі) сайысқа түседі.
Жаһандық додада 31 наурыз-5 сәуір аралығында Бразилияның Фос-ду-Игуасу қаласында өтеді. Дүбірлі бәсеке World Boxing Cup жарыстарының жаңа сериясы ретінде саналады. Онда былғары қолғап шеберлері бірнеше кезеңнен тұратын сайыстарда рейтингтік ұпай жинайды. Сол арқылы қорытынды кезеңде бас жүлдені сарапқа салады.