Назым Қызайбай боксшы мансабын қашан аяқтайтынын айтты
Бокстан үш дүркін әлем чемпионы, Париж Олимпиадасының қола жүлдегері Назым Қызайбай тұрмысқа шыққан соң спорттағы мансабын аяқтайтынын айтты.
Спортшы «Хабар» телеарнасындағы «Қызық TIMES» бағдарламасына берген сұхбатында қыз бала ана атанған соң, спортпен қоштасқаны дұрыс деп санайтынын жеткізді.
«Жақында Әйгерім Сәттібаева Азия чемпионатының қола жүлдегері атанды. Біле білсеңіздер, Әйгерім – бес баланың анасы. Алайда меніңше, күйеуге шыққан соң боксты қою керек. Себебі балаға тәрбие беретін ең бірінші адам – анасы. Егер спорттық мансабыңды жалғастырып, жарыстарға барып, жаттығуларға уақыт бөлсең, балаңның өскенін, қалыптасуын толыққанды көре алмайсың», – деді Назым Қызайбай.
Дереккөз: Aikyn.kz
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или