Қызылордадағы жаңа стадион қашан қолданысқа берілетіні белгілі болды
Қызылордадағы жаңа стадион тамыз айында қолданысқа беріледі, деп хабарлайды Prosports.kz.
Бұл жаңалықты Қазақстан футбол федерациясы президентінің кеңесшісі Нұрсұлтан Құрман өзінің телеграм каналында хабарлады.
Ақпарат көзіне сенсек Бұл стадионда қызылордалық командадан бөлек финалдық матчтар мен түрлі жас санатындағы құрама ойындарын да өткізе беруге болады екен.
«Өткен демалыс күндері ҚФФ делегациясы мен ОБЛЫС басшысы кездесті. Нәтижелі болғаны түсінікті. Енді стадион ашылуын күтеміз», - делінген хабарламада.
Жаңа стадионның іргетасы 2024 жылдың мамыр айында қаланған болатын. Стадион УЕФА-ның барлық талабына сай, табиғи алаң төселіп, жоғары категориялы футбол ғимараты болады деп жоспарланған еді.
Жобаның сметалық құны – 20,9 милиард теңгені құраған.