«Қызылжар» командасының екі жартылай қорғаушысы жарақат алып қалды
Петропавлдық «Қызылжар» командасының екі негізгі жартылай қорғаушысы Рафаэль Сабино мен Самат Жарынбетов Қазақстан чемпионатының төртінші турындағы «Тұранға» қарсы матчқа қатыса алмайды, деп хабарлайды Prosports.kz.
Бұған себеп екі ойыншының да жарақаты. «Ордабасыға» қарсы өткен кездесуде бразилиялық легионер Рафаэль Сабино бұлшық ет жарақатын алып, 52-ші минутта алаңнан кетуге мәжбүр болды. Ал қазақстандық жартылай қорғаушы Самат Жарынбетов болса, атаған матчтың өтінімінде де болмаған еді. Тәжірибелі ойыншы жаттығу кезінде жарақат алғандықтан, әлі толық сауығып үлгермеген.
Қазіргі уақытта екі ойыншының нақты қашан алаңға оралатыны белгісіз. Дегенмен олардың «Тұранға» қарсы ойында командаға көмектесе алмайтыны анық.
Петропавлдық команда бұл ойында сырт алаңда тең нәтижеге қол жеткізген болатын. Осы матчтан кейін клуб екі ұпаймен турнирлік кестеде 11-ші орында келеді. Алдағы матчта «Қызылжар» өз алаңында «Тұранды» қабылдайды.