Бейбіт Жұқаев Мексикадағы турнирдің жартылай финалында жеңіліс тапты
ATP Challenger сериясына кіретін Морелия (Мексика) турнирінде Бейбіт Жукаев жартылай финалда жеңіліп, жарысты аяқтады. Ол финал жолдамасын бірінші ракетка саналатын австралиялық Джеймс Даквортпен сарапқа салған еді. Кездесу 2:6, 4:6 есебімен аяқталды.
Матч бір сағаттан сәл артық уақытқа созылды. Жукаев 10 эйс жасап, 4 қос қателікке жол берді. Ол төрт брейк-пойнттың бірде-бірін пайдалана алмады. Ал Дакворт үш мәрте брейк жасап, ойын тізгінін өз қолында ұстады.
Жеңіліске қарамастан, Бейбіт бұл турнирде жақсы ойын өрнегін көрсетті. Бірнеше маңызды жеңіске қол жеткізіп, рейтингтегі ұпайын молайтты.
Морелиядағы дода Жукаев үшін жақсы сынақ болды. Ендігі жарыстарда сол қарқынды жоғалтпай, тағы да биік нәтижелерге жетуге мүмкіндік бар.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или