Бразилияның төртінші дивизионда өнер көрсететін команда Роналдуды қатарына қоспақ

Бразилиялық «Португеза» клубы Криштиану Роналдуды алуға тырысатындарын мәлімдеді, деп хабарлайды Prosports.kz.

«2026 жылы португалиялық ұлы футболшыны қатарымызға қосуға тырысамыз. Криштиану – тарихтағы ең ұлы ойыншы. Оған Португалияға қатысы бар ұсыныстардың көп түсуі екіталай.

Бізге Бразилия мен Португалияның арасына көпір салу керек. Ал сол көпір «Португеза» атануы мүмкін», – деді клуб президенті Алекс Буржуа.

«Португеза» Бразилияның төртінші дивизионда өнер көрсетеді.