Бразилиялық шабуылшы Роналдо үздік футболшыны атады

Аты аңызға айналған бразилиялық шабуылшы Роналдо өзін, португалиялық Криштиану Роналду және аргентиналық Лионель Мессиді салыстыра отырып, үздік ойыншыны таңдады, деп хабарлайды Prosports.kz.

«Роналдо ма, әлде Криштиану ма? Роналдо. Роналдо ма, Месси ме? (кідірістен кейін) Месси», — деді бразилиялық футболшы RTV эфирінде.

Еске салайық, Роналдо Бразилия құрамасының сапында екі мәрте әлем чемпионы атанып, екі рет «Алтын допты» иеленген. Клубтық деңгейде ол «Реал Мадрид», «Барселона», «Интер», «Милан», ПСВ, «Крузейро» және «Коринтианс» командаларында өнер көрсетті.