Серхио Рамос мексикалық клубта неліктен ерекше нөмірді таңдағанын айтты

«Реалдың» бұрынғы қорғаушысы Серхио Рамос Мексиканың «Монтеррей» клубына ауысқаннан кейін жаңак командасында неге 93-нөмірді таңдағанын түсіндірді, деп хабарлайды Prosports.kz.

«93-минут эпикалық сәт болды! Бұл – «Реалға» және карьерама көрсетілген құрмет. Мұны сіздермен, Мексикамен, Монтерреймен және біздің жанкүйерлермен бөлісудің жақсы жолы», – деді Рамос.

2013/14 маусымында Серхио Рамос Чемпиондар лигасының финалында «Атлетикоға» қарсы ойынның 93-минутта гол соғып, есепті теңестірді, ал «Реал» қосымша уақытта жеңіске жеткен болатын (4:1).