Әзербайжан лигасында легионерлерге шектеу алып тасталды

Әзербайжан футбол федерациялары қауымдастығы Премьер-лига командаларындағы легионерлер санына қойылған шектеуді алып тастау туралы шешім қабылдады, деп хабарлайды Prosports.kz тілшісі Sport+ сайтына сілтеме жасап.

Жаңа ереже 2025/2026 маусымынан бастап күшіне енеді. Жаңа талаптарға сәйкес, матчқа өтінімде 17-ден артық шетелдік ойыншы болмауы керек, ал алаңда бір уақытта 11 легионерден көп ойнауға болмайды.

Айта кетейік, қазақстандық қақпашы Стас Покатилов әзербайжандық «Сабах» клубының намысын қорғайды.