Спорт министрлігі Азия ойындарына Қазақстан атынан алты ресейлік спортшыны жіберген
Қытайдың Харбин қаласында басталған қысқы Азия ойындарына Қазақстан намысын қорғауға экс-ресейлік алты спортшы кеткен, деп хабарлайды Prosports.kz
Есте болса, былтыр Париж Олимпиадасына да Қазақстан атынан 10-нан астам легионер қатысып, бәрі жеңіліп қалған болатын. Мұнан кейін президент Қасым-Жомарт Тоқаевтың өзі спорт министрлігін қатаң сынағанымен, Ербол Мырзабосынов басқаратын ведомство бұдан сабақ алмаған секілді.
Sportarena.kz сайтының мәліметінше, Харбинге аттанған легионерлер:
1. Александра Скороходова, таушаңғысы - Ресей.
2. Кристина Силаева, конькимен сырғанау – Ресей.
3. Софья Самоделкина, мәнерлеп сырғанау - Ресей.
4. Бойсангур Датиев, мәнерлеп сырғанау - Ресей.
5. Эдуард Михайлов, хоккей – Ресей.
6. Вячеслав Колесников, хоккей – Ресей.
Жалпы Азия ойындарында ел намысын 137 спортшы қорғайды. «Сары құрлық» бәсекесі 7-14 ақпан күндері Қытай Халық Республикасының Харбин және Ябули қалаларында өтеді. Азия ойындарының ашылу салтанатында еліміздің байрағын хоккейден ҚР спорт шебері Әділ Бекетаев пен шорт-тректен халықаралық дәрежедегі спорт шебері Ольга Тихонова алып шығады.