Ескендір Қыбырай неге «Атырауды» таңдағанын түсіндірді
Қазақстандық қорғаушы Ескендір Қыбырай Legalbet.kz сайтына жаңа клубын таңдаудағы себебін түсіндірді, деп хабарлайды Prosports.kz.
«Атыраумен» бір жылдық келісімшартқа қол қойдым – қараша айына дейін. Команданың бас бапкері Константин Горовенко шақырды», – деді футболшы.
«Қайрат» академиясының түлегі Горовенкомен алматылық клубтың құрылымында бірге жұмыс істеген. Кәсіби деңгейде Қыбырай «Жетісу», «Ақтөбе» және «Шахтер» командаларында ойнады. 2024 жылы ол Қазақстан Премьер-лигасында 10 матч өткізіп, 1 нәтижелі пас берді (1 ойын – «Жетісу» сапында, 9 ойын және 1 ассист – «Шахтер» сапында). 2021 жылы Қазақстан ұлттық құрамасына шақырту алғанымен, алаңға шықпаған.
4 ақпанда «Атырау» Ескендір Қыбыраймен келісімшартқа қол қойғанын ресми жариялаған еді.
Transfermarkt порталы қорғаушының қазіргі нарықтық бағасын 150 мың еуро деп бағалайды.