«Астана» баскетболшылары маусымдағы алғашқы жеңісіне жетті
ВТБ Бірыңғай лигасында өнер көрсететін «Астана» баскетбол клубы биылғы маусымдағы алғашқы жеңісіне қол жеткізді, деп хабарлайды Prosports.kz
Өз алаңында «Самараны» қабылдаған елордалықтар 73:67 есебімен басым түсті.
Айта кету керек, «Астана» БК осы маусыда барлығы 28 ойын өткізіп, соның 27-де жеңілген болатын. Бұл осынау лига тарихындағы антирекорд – яғни, ең нашар көрсеткіш.
Ойынның бірінші кезеңінде «Самара» есепте басым болғанымен, қалған үш кезең бойы астаналықтар қателікке жол бермеді: сауатты қорғанып, нәтижелі шабуылдады (16:24, 24:15, 17:15, 18:13).
«Астана» сапынан ең көп ұпайды Григорий Мотовилов жинады – 23. Сондай-ақ, Даниель Утоми – 13, Рустам Мурзагалиев – 11, Данила Походяев – 7, Андрей Десятников пен Вадим Щербак – 6, Галлин Смит – 4, Руслан Айтқали – 3, Асқар Майдекин – 2 ұпайдан еншіледі.
Келесі матчты «Астана» 1 ақпан күні өз алаңында мәскеулік МБА-мен кездеседі.