Чесноков «Хартсқа» ауыса ма? Шетелдік БАҚ талдау жасады
Edinburgh News басылымы Қазақстан ұлттық құрамасының ойыншысы Ислам Чесноковтың шотландиялық «Хартс» клубына ауысу мүмкіндігін талдады, деп хабарлайды Prosports.kz.
«Қостанайлық «Тобыл» Чесноковты келісімшартының аяқталуына дейін сатуға дайын. Оның келісімшарты биылғы қарашада аяқталуы керек, ал «Хартс» оны осы айда сатып алуға тырысатын еуропалық командалардың қатарында. Олар «Тобылмен» трансфердің алты таңбалы сомасы туралы келіссөз жүргізді, мақала жазылған сәтте бұл келіссөз әлі жалғасып жатыр.
25 жастағы Чесноков Қазақстанда жоғары бағаланады және халықаралық деңгейде тұрақты түрде ойнап жүр. Оның ұлттық құрама сапында 11 матчы мен 2 голы бар. Жылдам вингер әрі шабуылға бейім ойыншы ретінде танылған. «Тобыл» оны ұстап тұра алмайтынын түсінеді, себебі келісімшарт мерзімі 11 айдан аз уақыт ішінде аяқталады. Сондықтан клуб қазір оның трансферінен пайда табуға тырысып жатыр.
Чесноков карьерасын Ұлыбританияда жалғастырғысы келеді және «Хартсты» даму мүмкіндігі ретінде қарастырады, бірақ келісімнің аяқталуына дейін әлі бірнеше кедергіні еңсеру керек. Оның қазіргі нарықтық құны шамамен 700 мың фунт стерлинг, бірақ ойыншының келісімшарты биыл аяқталатын болғандықтан, «Хартс» бұл сомадан айтарлықтай төмен төлеуі мүмкін», – делінген мақалада.
2024 жылғы маусымда 25 жастағы Чесноков Қазақстан Премьер-лигасында 21 матч өткізіп, 10 гол соғып, 3 нәтижелі пас берді. Бұл оған «Қайрат» сапындағы Жоао Пауло және «Атырау» ойыншысы Николай Сигневичпен бірге турнирдің ең мерген ойыншысы атағын бөлісуге мүмкіндік берді. Сонымен қатар, Ислам ұлттық құрама сапында 7 матчқа қатысып, нәтижелі әрекеттер жасай алмады.
Transfermarkt порталының мәліметінше, ойыншының қазіргі нарықтық құны – 800 мың еуро.
Қазақстандық шабуылшы Испаниядан жаңа клуб іздестіріп жатыр
«Трансфер тегін болған жоқ». Еуропалық клуб Қазақстан құрамасының ойыншысын сатып алу жайында