Тайсон Фьюри бокстағы мансабын ресми түрде аяқтағанын хабарлады
Тайсон Фьюри бокстағы мансабын ресми түрде аяқтағанын хабарлады, деп хабарлайды Prosports.kz
36 жастағы британдық боксшы Александр Усиктен екі рет жеңіліп, өзінің жеңілмеген мәртебесін жоғалтты.
«Мен ұзақ сөйлемеймін. Боксшы ретіндегі мансабымды аяқтағанымды мәлімдегім келеді. Бұл таңғажайып болды, мен әр минутынан ләззат алдым. Рақмет! Бұл керемет болды. Маған көмектескендердің бәріне алғыс айтамын!» – деді Тайсон.
Айта кетейік, Фьюри карьерасын аяқтау туралы осындай мәлімдемені 2022 жылы да жасаған болатын. Сол жылы Диллиан Уайтты 96 мыңдық «Уэмблиде» жеңгеннен кейін ол бокстан кететінін жариялаған еді, бірақ төрт айдан соң шешімін өзгертті.
Сонымен қатар, Сауд Арабиясындағы бокстың басты ұйымдастырушысы Турки Әл Аш-Шейх Фьюри мен Энтони Джошуа арасындағы жекпе-жекті 2025 жылы өткізгісі келетін үздік 5 жекпе-жек қатарына енгізген.