Қысқы Универсиада: Хоккейден Қазақстан ерлер құрамасы Швецияны ойсырата жеңді
2025 жылғы Қысқы Универсиадаға шайбалы хоккейден Қазақстан ерлер құрамасы алғашқы ойынын Швецияға қарсы өткізді.
Қазақстан ерлер құрамасы А тобында сынға түседі. Қарсыластары — Канада, Чехия, Оңтүстік Корея және Швеция.
Аталған кездесуде бапкерлер төмендегі хоккейшілерге сенім артты.
Әмірбеков (Павленко); Жүсіпбеков — Большедворский, Дёмин — Чапоров — Бойко (К); Оразов — Никитин, Мусоров — Шульга — Буяльский; Решетько — Сүлейменов, Тютюньков — Гусейнов — Цыбин; Гавриленко — Симонов, Панченко — Бейсембаев — Ляпунов
Кездесу барысында швециялық хоккейшілер қатарынан екі шайба соғып кетті. Бірінші кезеңнің соңына таман қазақстандық Андрей Буяльский есеп айырмасын қысқартса, одан кейін екінші кезеңде Николай Шульга екі голдың авторы атанды.
Ал Данил Цыбин екі, Максим Мусоров, Әділ Бейсембаев, Денис Чапоров, Андрей Буяльский бір-бірден мергендік танытты.
Осылайша қазақстандық хоккейшілер қарсыласынан 9:2 есебімен басым түсті