ЦСКА «Ордабасының» қызығушылық танытқан футболшының командаласын сатып алмақ
Мәскеулік ЦСКА «Ред Булл Брагантино» клубының 24 жастағы шабуылшысы Алеррандроны өз қатарына қосуды көздеп отыр, деп хабарлайды Prosports.kz.
Ақпарат көзінің мәліметінше, армиялық клуб бразилиялық футболшы үшін 6 миллион еуро ұсынып отыр.
Өткен маусымда Алеррандро арендада жүрген «Витория» сапында 15 гол соғып, Бразилия чемпионатының үздік сұрмергені атанған.
Алеррандро – «Атлетико Минейро» клубының тәрбиеленушісі. Өз карьерасында ол барлық турнирлерде 216 матчқа қатысып, 60 гол соғып, 21 нәтижелі пас берген. Transfermarkt порталының мәліметі бойынша, футболшының бағасы шамамен 4 миллион еуроны құрайды.
Айта кетейік, бұған дейін шымкенттік «Ордабасының» Алеррандроның клубтасының бірімен келісімшартқа отыруы мүмкін деген ақпарат тараған еді.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или