Қазақстан құрамасының ойыншысының неге «Қайратқа» ауыспағаны белгілі болды
Қазақстандық бапкер Ринат Алюетов BorodAbata YouTube-арнасына берген сұхбатында Қазақстан құрамасының ойыншысы Ислам Чесноковқа «Қайраттың» қызығушылық танытқаны туралы айтып берді, деп хабарлайды Prosports.kz Meta-ratings.kz сайтына сілтеме жасап.
«Қайрат» Ислам Чесноковты шақырды. Сол кезде мен және Исламның алғашқы бапкері Владимир Викторович Гаврилов одан не қалайтынын сұрадық. Ислам әзірге үйден кетуге дайын емес екенін айтты. Ол «Қайратта» өзін белгілі бір шеңберде ұстайды деп ойлап, үйде жетілгісі келді. Ол Өскеменде ойнап жүргенде, біз ешқашан оны шектемейтінбіз. Ислам алаңға шыққанда, өз ойынына басқаша көзқараспен қарап, бізден қатаң шектеулер қоймауымызды сұрайтын. Сол кездің өзінде-ақ оның ойлау жүйесінің өзгеше екенін түсіндік.
Ол уақытта «Қайратта» голландиялық маман Патрик ван Леувен жұмыс істеді. Ол тәртіпке және нақты ойын стиліне ерекше көңіл бөлетін. Ал Исламды белгілі бір шеңберде ұстауға болмайды», – деді Алюетов.