«Астана» қытайлық шабандозды қатарына қосты
Қытайлық шабандоз Хаоюй Су (24 жас) XDS Astana Team құрамында өнер көрсетеді, деп хабарлайды Prosports.kz тілшісі команданың баспасөз қызметіне сілтеме жасап.
Спортшымен келісімшарт 2025 және 2026 жылдарға жасалды. Осылайша, Хаоюй Су командадағы 30-шы шабандоз болып, XDS Astana Team-нің 2025 жылғы трансферлік науқанын аяқтады.
«Мен үшін XDS Astana Team командасының құрамына кіру – үлкен мәртебе. Материктік Қытайды әлемдік турға – кәсіби велоспорттың жоғарғы лигасына қайта алып келу үлкен қадам деп санаймын. Бұл мен үшін зор мүмкіндік, және команда басшылығына осы сенім үшін алғысымды білдіремін. Маған көп еңбектену керек, әсіресе Еуропада өнер көрсету тәжірибесін жинақтау қажет. Дегенмен, мен дайынмын және бар күшімді салып, Қытайды халықаралық аренада лайықты танытып, команданың әрбір жарыстағы мақсаттарына қол жеткізуіне көмектесемін», – деді Хаоюй Су.