«Астана» бас бапкері Қазақстанның 2024 жылғы үздік спортшысын атады
«Астана» футбол клубының бас бапкері Григорий Бабаян 2024 жылы Қазақстан үшін маңызды спорттық оқиғаларды атады, деп хабарлайды Prosports.kz.
«2024 жылы Қазақстан үшін негізгі спорттық оқиға – бұл, меніңше, ел ішінде өткен Көшпенділер ойындары, оған шамамен екі жарым мыңдай спортшы қатысты. Сондай-ақ, Елдос Сметовтің Олимпиадада алтын медаль алуын және «Челси» футбол клубының Қазақстанға келуін атап өтуге болады.
2024 жылдың ең үздік қазақстандық спортшысы, менің пікірімше, Сметов», — деп мәлімдеді Бабаян Legalbet.kz тілшісі Виталий Гетцке.
Бесінші Дүниежүзілік көшпенділер ойындары 2024 жылы 8-13 қыркүйек аралығында Астанада өтті.
2024 жылдың жазында Сметов Париж Олимпиадасында алтын медаль жеңіп алды. 60 килограммға дейінгі салмақ дәрежесінің финалында ол француз Лүка Мхейдзені жеңді.
Ал 12 желтоқсанда лондондық «Челси» Конференция лигасының бесінші туры аясында Қазақстанға келіп, «Астанамен» ойнаған еді. Матч лондондықтардың жеңісімен аяқталды - 3:1.