WBA рейтингтің жаңартылған нұсқасын жариялады
Дүниежүзілік бокс қауымдастығы (WBA) барлық салмақ дәрежелері бойынша рейтингін жаңартты және Қазақстан боксшыларының орны өзгерді, деп хабарлайды Prosports.kz тілшісі Sport+ сайтына сілтеме жасап.
Аса ауыр салмақта 14 орында тұрған Иван Дычко үздіктер тізімінен мүлдем шығып қалды. 27 желтоқсан Алматыда ресейлік Виталий Кудуховпен кездесу керек болған Дычко жарақат себебімен шаршы алаңға шыға алмады.
Екінші орта салмақта Бек Нұрмағанбет тоғызыншы орыннан бір саты төмен түсті. Жартылай орта салмақта Батыр Жүкембаев 12-орынға төмендеді. Бұл салмақтағы WBA Gold чемпионы - Жанқош Тұраров.
Сұлтан Зауырбек екінші жартылай жеңіл салмақта WBA рейтингінде үшінші орнын сақтап қалды. Ол грузин Отар Эраносян мен әзербайжан Эльнур Самедовтың өкшесін басып келеді. Бұл салмақтағы WBA чемпионы - америкалық Ламонт Роуч.