Молдова Кубогінің үздік сұрмергені «Ақтөбе» сапында доп тебуі мүмкін
Молдова Кубогінің үздік сұрмергені «Ақтөбе» жейдесін киеді, деп хабарлайды Prosports.kz
Тираспольдің «Шерифінде» нәтижелі өнер көрсетіп жүрген буркина-фасолық Седрик Бадоло енді ҚПЛ-де доп тебуі мүмкін.
С. Бадолоның молдовалық клуб сапындағы көрсеткіштері көңіл көншітерліктей. Мәселен, шабуылдаушы жартылай қорғаушы «Шериф» үшін соңғы 14 кездесуде 2 доп соғып, сегіз ассист берген.
Буркина-Фасо құрамасының қатарында 26 кездесуде алаңға шығып, 3 рет мергендік танытқан екен.
26 жастағы ойыншы Молдовадан бөлек, Словения біріншілігінің «Погронье» командасында да доп тепті. Нарықтық құны 850 мың еуроны құрайды.
Седрик Бадолоның клубтық деңгейдегі жетістіктері - 21/22-маусымда Молдова Кубогінің үздік сұрмергені (4 гол), «Шерифпен» 21/22, 22/23-жылғы Молдова чемпионатының жеңімпазы.