«Елімай» маусымының қорытындысы бойынша «Үздік менеджмент» атағын жеңіп алды
«Елімай» ФК «Үздік менеджмент» номинациясын иеленді, деп хабарлайды Prosports.kz
«Елімай» футбол клубы 2024 жылғы маусымының қорытындысы бойынша, «Үздік менеджмент» атағын жеңіп алды. Бұндай шешімді Qazaqstan Football League қабылдады.
Семейлік ұжым қайта жаңғырғалы бері өз жанкүйерлерін тек QFL турнирлеріндегі нәтижесімен ғана қуантып қоймай, Абай облысында футболдың дамуына қатысты бірқатар жобаларды жүзеге асырып жатыр.
Клуб биыл жаңа футбол манежі, жаттығу алаңының құрылысын бастауға және жас спортшыларды дайындайтын футбол орталығын ашуға шешім қабылдады. Сондай-ақ, Семей қаласында 12,5 мың көрермен сиятын жаңа стадион мен халықаралық дәрежедегі қонақ үй салынады. Ол жерде балалар-жасөспірімдердің спорттық шаралары мен түрлі сала бойынша тренингтер өтетін болады.